Slargjâts i servizis di pre e post acet scolastic

La Zonte comunâl e à decidût di slungjâ la durade dai servizis di pre e post acet scolastic pes fameis che indi àn la dibisugne. In particolâr la durade dal servizi di pre acet e passarà di 30 a 45 minûts. A son 12 lis scuelis primariis interessadis di cheste misure: Alberti, Carducci, Divisione Julia, IV Novembre, Negri, Nievo, Pascoli/di Toppo Wassermann, Pellico, Zardini, De Amicis, D’Orlandi e Rodari. Il servizi al podarà jessi ativât se si rivarà a di un numar minim di 7 iscrits. Par podê gjoldi dal slungjament dal orari i gjenitôrs a varan di declarâ la dibisugne dal anticip di 15 minûts dal acet scolastic par motîfs lavoratîfs, presentant une declarazion sostitutive di at di notorietât cu la indicazion dal titolâr, dal puest e dal orari di vore. Par chel che al inten invezit il post acet e je previodude la ativazion dal servizi pe miezore tra 12.30 e une dopodimisdì inte scuele primarie IV Novembre, la uniche scuele che e à vût un numar significatîf di domandis. Ducj i gjenitôrs interessâts dal servizi a varan di perfezionâ la lôr posizion aministrative dentri dal principi dal an scolastic.