Viertidure ai 3 di Setembar de Ludoteche comunâl

Dopo de polse estive e sarà tornade a vierzi martars ai 3 di Setembar la Ludoteche comunâl, logade in vie del Sale. La ludoteche e sarà vierte il martars, il miercus, il vinars e la sabide di 15 a 18 e la joibe di 9 a 12. Cun di plui par vignî incuintri aes diviersis domandis dai citadins e par slargjâ la ufierte a son previodudis des viertiduris straordenariis sei la sere che vie pes feriis scolastichis. Za intal prossim fin setemane, ai 7 e ai 8 di Setembar la ludoteche e darà acet ae prime riunion dai inventôrs di zûcs dal Nordest. Cun di plui a son in program ancje dai incuintris cun esperts sul zûc e su lis diviersis malatiis, dai percors educatîfs pes scuelis e intal mês di Otubar si davuelzarà “Energia in gioco” l’event dedicât al consum cussient de energjie e indreçât aes scuelis e ai citadins cun incuintris, laboratoris, esperiments, esposizions, zûcs e animazions. La jentrade e je sore nuie, par plui informazions si pues contatâ l’ufici Ludobus ai numars 0432-2716677-756, il Punto Informa dal Comun al numar 0432-414717-718 o il sît www.comune.udine.it.