Nîts pai fruts: vierts i tiermins pes domandis di contribût

A son vierts i tiermins par presentâ lis domandis di contribût par sbassâ la spese pai nîts de infanzie e par altris servizis pe prime infanzie pal an scolastic 2012-2013. Lis fameis che tra il prin di Setembar dal 2012 e i 31 di Avost dal 2013 a àn sostignût spesis pe frecuence dai fîs ai servizis pe prime infanzie a puedin presentâ, fin ai 30 di Novembar, la domande di contribût al Comun, ent gjestôr dai servizis. A podaran gjoldi dai contribûts i residents intal ambit distretuâl 4.5 dal Udinês che in plui di Udin al cjape dentri i Comuns di Cjampfuarmit, Martignà, Pagnà, Pasian di Prât, Pavie, Puçui, Pradaman e Tavagnà cuntun Isee valit che nol passe i 35 mil euros e che a son residents o che a lavorin in regjon di almancul un an di file. I contribûts a laran di un massim dal 60% a di un minim dal 30% des spesis sostignudis, daûr dal Isee. La domande e à di jessi presentade dentri dai 30 di Novembar alì de sede dal Servizi sociâl dai Comuns, in vie Gorghi 16, par pueste, fax o pueste eletroniche ( protocollo@pec.comune.udine.it ).