E torne la campagne “Misure il to respîr”

E torne ancje il mês di Setembar, dopo de polse estive, la campagne “Misure il to respîr” realizade de Associazion Insufficienti Respiratori (Air) FVG onlus in colaborazion cul Comun. Miercus ai 18 di Setembar, di 9 a misdì, il distret sanitari di Udin, in vie San Valentino 20, al darà la pussibilitât di fâ lis provis sore nuie des funzionalitâts respiratoriis. Lis visitis a son sore nuie e no covente ni la impegnative dal miedi, ni la prenotazion. Il servizi al è viert a ducj, ancje aes personis che no son sociis dal Air e al è indreçât in particolâr ai fumadôrs. Lis personis interessadis a àn di presentâsi alì dal ufici informazions dal distret sanitari di vie San Valentino tra 8 e 8.30 di miercus par prenotâ la visite e par ritirâ il cuistionari. La prove e sarà fate dentri di misdì. La iniziative e je realizade de Air in colaborazion cul distret sanitari, cul ufici “Città sane” dal Comun, cul Centri di pneumologjie sociâl de Ass4 e cul servizi di pneumologjie riabilitative dal istitût Gervasutta. Par informazions si pues contatâ l’Air o il Comun. Si ricuarde che dal mês di Jugn dal 2013 la Air si è trasferide inte sede des associazions di vie Diaz, 60.