Jutoris dal Comun par slizerî lis spesis pe scuele
La Zonte comunâl e à decidût di finanziâ cun 125 mil euros des misuris par judâ lis fameis plui in dificoltât intes spesis pai servizis di ristorazion scolastiche e dal doposcuele. Si trate di contribûts pes fameis residentis intal teritori comunâl, che a àn almancul doi fruts che a frecuentin i servizis dal doposcuele e/o de mense vie pal an scolastic 2012-2013, e che a àn une certificazion Isee che no passe i 30 mil euros. Pal doposcuele intes scuelis primariis e secondariis di prin grât, il contribût al previôt la gratuitât di une rate bimestrâl. Pes mensis scolastichis invezit i jutoris a cambiin daûr dal numar des frecuencis intal dopodimisdì.