Convenzion Comun – Prefeture sui dispatriâts

Joibe ai 19 di Setembar e je stade presentade une convenzion tra Comun e Prefeture di Udin su lis personis forestis che a domandin asîl. Al apontament a jerin presints il sindic Furio Honsell, l’assessôr pai dirits e pe inclusion sociâl Antonella Nonino e il prefet di Udin Ivo Salemme, cul so vice Salvatore Campagnolo. La convenzion e à par fonde un acuardi su lis plui impuartantis associazions dal tierç setôr, za fat bon de Zonte di palaç d’Aronco. Di cuant che i imigrâts a presentin la domande di asîl a cuant che a vegnin inviâts tes struturis statâls di protezion dai dispatriâts a passin plui di 30 dîs cun spesis pal stât e pes prefeturis, e chestis no rivin a fâ front ae situazion simpri plui ingredead. Intal câs di Udin si à domandât al Comun di inviâ un sisteme di acet adun cun Caritas, Centro Balducci, Case dell’Immacolata, Centro Solidarietà Giovani e Nuovi Cittadini onlus. La convenzion e cjaparà dentri il durmî, i pascj e la regjistrazion des personis ospitadis e e durarà fintremai ai 31 di Dicembar dal 2014.