“L’Orto e la Luna”: prin premi pal Comun di Udin

Il Comun al à vinçût la setime edizion dal premi “Comuni Virtuosi” pal progjet “L’Orto e la Luna”. Il ricognossiment al va a premiâ la formule inovative dai orts urbans screâts sul teritori de citât za intant de legjislature stade, cu la motivazion di vê inviât dai percors reâi e inclusîfs. Il premi, dedicât ae categorie “gnûfs stîi di vite” al è stât consegnât intai dîs passâts a Senigallia al assessôr pe planificazion teritoriâl Carlo Giacomello ae presince di delegazions che a rivavin di dut il teritori talian. Il progjet dai orts urbans, curât dal ufici Agenda 21 dal Comun, al è atîf di passe trê agns e al à cjapât dentri in maniere ative miârs di citadins. Cemût che al dîs l’assessôr Giacomello, si trate di un vêr moviment culturâl che al ufrìs ae citât mostris, cors, visitis vuidadis e events. Par informazions: ufici Agenda 21 dal Comun di Udin (tel. 0432.271615-525, direzion di pueste eletroniche: agenda21@comune.udine.it )