Pal calcul de IMU si pues procedi vie internet

Ai 17 di Dicembar a scjadin i tiermins par paiâ la seconde rate de IMU (impueste municipâl uniche) e par evitâ codis ai sportei il Comun di Udin al vise che pal calcul de impueste si pues doprâ il portâl internet di pueste. Si trate di un servizi che al permet di calcolâ daurman il salt di paiâ e di stampâ ancje il model F24 di puartâ in bancje pal paiament. Par acedi al servizi baste lâ sul sît dal Comun, puartâsi su la vôs “IMU 2012” e po sielzi la opzion “Calcolo Imu on line”. Une volte regjistrâts, il Comun al darà conferme che la regjistrazion e je lade a bon fin e si podarà procedi cul calcul.