Plui luncs i tiermins pes domandis di contribût pai nîts

A son stâts slungjâts fintremai lunis ai 2 di Dicembar i tiermins par presentâ lis domandis di contribût par sbassâ la spese pai nîts e par altris servizis pe prime infanzie pal an scolastic 2012-2013. La dade cuvierte dal contribût e je chê che e va dal prin di Setembar dal 2012 ai 31 di Avost dal 2013. A puedin gjoldi dai contribûts i residents intal ambit distretuâl che, in plui di Udin, al cjape dentri i Comuns di Cjampfuarmit, Martignà, Pagnà, Pasian di Prât, Pavie, Puçui, Pradaman e Tavagnà, che a àn un Isee che nol passe i 35 mil euros e che a son residents o che a lavorin in regjon di almancul un an di file. I contribûts a laran di un massim dal 60% a di un minim dal 30% des spesis sostignudis, daûr dal Isee. La domande e à di jessi presentade alì de sede dal Servizi sociâl in vie Gorghi 16 o ancje par pueste eletroniche ae direzion protocollo@pec.comune.udine.it .