Pai 50 agns de muart, il scultôr Franzolini tra i benemerits

Intal inovâl dai cincuante agns de sô muart, la citât di Udin e onore la memorie dal scultôr furlan Antonio Franzolini. Lunis ai 30 di Setembar a 9 e mieze di buinore, i rescj dal artiscj a cjataran puest intal spazi dal cimitieri monumentâl di S. Vît dedicât ai benemerits de citât. La cerimonie e viodarà la partecipazion de famee dal scultôr, dal assessôr comunâl Enrico Pizza, de assessore provinciâl Francesca Musto, dal sindic di Paulêt Alfio Cecutti, dal professôr de universitât di Udin Alessandro Del Puppo e dal gjornalist Mario Blasoni.