A tornin i apontaments cun “L’ora delle storie”

A tornin i apontaments cun “L’ora delle storie”, leturis, films, zûcs e incuintris a sorprese pai fruts dai 4 ai 8 agns proponûts de sezion Zovins de biblioteche comunâl Joppi. Cheste edizion, che cjaparà dentri la dade Otubar 2013-Mai 2014, si davuelzarà cun cuatri apontaments mensîi: ogni prin miercus dal mês “Ti racconto un film” in colaborazion cul CEC-Visionario par capî la magjie dal cine; ogni secont miercus “Gli incontri a sorpresa” par presentâ gnûfs ospits; ogni tierç miercus dal mês “Il bazar delle scienze” par dâ spazi aes curiositâts sientifichis; il cuart miercus dal mês “Io me la gioco” in colaborazion cu la Ludoteche par scuvierzi che libris e zûc a puedin lâ dacuardi. Il prin apontament al è par miercus ai 2 di Otubar a 5 dopomisdì in Riva Bartolini cuntune anteprime speciâl là che e sarà presinte la ilustradore Gloria Corradi.