“CamminaMenti”, ultins puescj a disposizion

A tachin ai 4 di Otubar lis lezions de seconde edizion di “CamminaMenti” e a restin ancjemò pôcs puescj par podê iscrivisi. La iniziative si davuelç in cuatri circoscrizions de citât cun percors che a àn chê di judâ lis personis di une cierte etât a tignî il cjâf in moviment. Par iscrizions si pues cjapâ contat cu la associazion Alzheimer (telefon 0432 25555), cu la associazion Judìnsi (telefon 0432 233756) o cu la cooperative Pervinca (telefon 0432 1740123). I incuintris, che a son indreçâts aes personis che a àn passât i 65 agns, a son sore nuie e si davuelzaran alì des salis comunâls de Prime, de Tierce, de Cuinte e de Setime circoscrizion. Dentri di “CamminaMenti” si puedin cjatâ esercitazions pe memorie, percors di logjiche e matematiche, lezions di lenghis forestis, zûcs e enigmistiche, ma ancje lezions su musiche, tradizions popolârs, micologjie e botaniche, ambient e paisaç, laboratoris interculturâi e altri ancjemò.