Iscrizions viertis ai cors di ativitât motorie

Di martars ai 8 a vinars ai 18 di Otubar intes sedis des circoscrizions, tai oraris di viertidure dai sportei, si pues iscrivisi ai cors di ativitât motorie par personis adultis e indenant cui agns. La prime zornade a puedin iscrivisi dome i residents in comun di Udin, a partî de seconde zornade invezit lis iscrizions a son viertis ancje a cui che al è a stâ in altris comuns. Si trate di nûf cors cun nivei di ativitâts diferentis che si davuelzaran in vot palestris de citât in fassis orariis diviersis par cirî di contentâ dutis lis esigjencis. Si tache ai 21 di Otubar e si larà indenant fin al mês di Zenâr cun doi apontaments par setemane. Par frecuentâ i cors al covente presentâ certificât medic. I coscj a son diferents e a van viodûts al moment de iscrizion.