Cu la acuisizion di Friulenergie il Comun al jentre tal CAFC

La assemblee straordenarie dal CAFC (Consorzio per l’Acquedotto del Friuli Centrale) e à dite di sì ae acuisizion de bande dal Comun di Udin des cuotis di partecipazion de Amga inte societât Friulenergie. Une operazion che e permet di cjapâ dentri Friulenergie intal Consorzi in maniere che il Comun al deventi soci dal CAFC cuntune cuote di partecipazion dal 3,5%, e un cost di 3,159 milions di euros. Si va cussì a puartâ insom il passaç dal servizi idric de Amga al Consorzi, che al deventarà operatîf ad in plen dentri de fin dal an. Cu la sô jentrade intal CAFC, al à comentât il sindic Furio Honsell, il Comun al podarà tornâ a inviâ oparis tant che la fognadure gnove des viis Gonars, Selvuzzis e Palmanova che e varès di risolvi i problemis di inagament de aree di Baldassarie.