A tachin i spetacui di “Teatro d’autunno”

Al tache domenie ai 13 di Otubar Teatro d’autunno, une schirie di spetacui inmaneade des Circoscrizions che e larà indenant fin ai 24 di Novembar in diviers cuartîrs de citât. Il prin spetacul, “Un santo nel pallone” pe regjie di Arianna Romano, al larà in sene domenie ai 13 a 5 dopomisdì alì de sale polifunzionâl di vie Veneto 164 a Cussignà.

Il secont apontament, “Paradiso 3×2” cu la Compagnie Etabeta Teatro di Pordenon, al vignarà presentât domenie ai 20 di Otubar alì dal Auditorium T. Menossi a Sant Svualt. Tal Auditorium Bellavitis in vie XXV Aprile ai 27 di Otubar al sarà il turni de compagnie Ndescenze cul spetacul di improvisazion comiche “Improteatro”. Si larà po dopo indenant di gnûf alì dal Auditorium Menossi ai 3 di Novembar cuant che, par cure de compagnie teatrâl La Gote, al larà in sene “Murî di ridi o ridi par no murî”. Domenie ai 10 di Novembar intal Auditorium Bellavitis al sarà invezit presentât “Self mad man” cu la regjie di Federico Monutti. Il grup teatrâl La Loggia di Udin al puartarà ancjemò al Menossi la comedie “Il cjâf” di Claudio Romanzin. L’ultin apontament si davuelzarà alì dal Auditorium Bellavitis ai 24 di Novembar cuntune comedie popolâr dal titul “Hanswurst, le donne, il re e il caprone” metude in sene dal Gruppo Teatranti Clandestine pe regjie di Dario D’Antoni.

Ducj i spetacui, cun jentrade sore nuie, a tacaran a 5 dopomisdì. Par informazions si pues clamâ il Puntoinforma dal Comun al 0432 414717.