Miercus si presente il prin Fab Lab dal Friûl

Chel che si screarà in vie Stringher a Udin ai 21 di Otubar al sarà il prin Fab Lab dal Friûl – Vignesie Julie. La iniziative e nas de colaborazion jenfri Confartesanât e Comune inte suaze de manifestazion Future Forum 2013 inmaneade de Cjamare di Cumierç udinese. Il Fab Lab al cjatarà acet in locâi metûts a disposizion dal Comun e al restarà in vore fin ai 7 di Novembar. I detais de iniziative a saran presentâts intant di une conference stampe che si tignarà miercus ai 16 di Otubar a misdì alì dal Salon dal Popul dal Comun cu la presince, tra i altris, dal sindic Furio Honsell.