E torne miercus la iniziative “Misure il to respîr”

Miercus ai 16 di Otubar e torne la campagne “Misure il to respîr” svilupade de Associazion Insuficients Respiratoris dal Friûl – VJ adun cul ufici “Citâts sanis” dal Comun cun chê di promovi la culture de prevenzion cul sensibilizâ la popolazion al rispiet de sô salût. Pe ocasion, il distret sanitari di Udin al ufrìs la pussibilitât di fâ des provis su lis funzionalitâts de respirazion. Lis visitis, fatis cu la presince di un miedi pneumolic e di un tecnic de respirazion, a son sore nuie e si davuelzin cence bisugne di impegnative. Cui che al è interessât al à di presentâsi alì dal ufici informazions dal distret sanitari di vie S. Valantin 20 (plan tiere, a çampe) tra 8.00 e 8.30 di miercus par prenotâ il test. Lis provis, che si fasaran intal ambulatori dal prin plan, a saran fatis inte fasse orarie che e va di 9.00 a misdì.