Dentri di “Energia in gioco” ancje un Portâl de Energjie

A van dilunc lis ativitâts promovudis dal Comun inte suaze di “Energia in gioco”, la manifestazion che e à chê di promovi compuartaments responsabii intal ûs de energjie, massime tra i plui zovins. I apontaments a van indenant fintremai i 19 di Otubar intai spazis de Ludoteche comunâl e intai zardins dal Tors. In gracie de colaborazion cul Centri Internazionâl di Siencis Mecanichis si à metût sù ancje un Portâl de Energjie che al met adun leams cun iniziativis di educazion energjetiche e ambientâl in vore intal stât talian, intune cun materiâi didatics e informatîfs che a son a disposizion su Internet. La liste, curade di Gianni Comini dal Dipartiment di energjie e ambient dal CISM si le cjate alì de direzion www.cism.it/departments/energy-and-environment/portale-energia .