Citadinance onorarie al poete Pierluigi Cappello

La Aministrazion comunâl e à decidût di dâi al poete furlan Pierluigi Cappello la citadinance onorarie de citât. A comunicâlu al è stât l’assessôr pe culture Federico Pirone che al à spiegât che si trate di un ricognossiment pal nivel altonon de sô espression artistiche e pal leam stret de sô vocazion poetiche cul Friûl. “O vin pensât a chest ricognossiment – al à dite Pirone – par marcâ il valôr profont de sô persone, dal so talent straordenari e de sô poesie, intindude ancje tant che capacitât publiche di sveâ lis cussiencis e comunicâ la impuartance de educazion ae poesie e ae sô leture”.