Rinovât il protocol pal progjet “No alla Solit’Udine”

Al va indenant il progjet “No alla Solit’Udine” pai servizis dedicâts ai anzians. Nassût de colaborazion tra Comun, associazions di volontariât e altris sogjets publics, il progjet al à tant che obietîf il miorament de cualitât de vite des personis anzianis par mieç di servizis di acompagnament par prenotâ visitis e esams, spese programade, domandis di informazions o ancje dome par vê compagnie o cualchidun che ju scolti. Promovude e coordenade dal Comun di Udin, la iniziative e viôt la partecipazion di 28 tra associazions e organisims publics che di pôc a àn rinovât il protocol di intese pai prossims doi agns. La ativitât dai sogjets cjapâts dentri dal progjet, e fâs savê la Assessore pe salût e pe ecuitât sociâl Simona Liguori, e je un model clâr di solidarietât a pro des fassis di popolazion plui debilis tant chê i anzians, che dispès no àn une rêt di jutori in stât di judâlis intal cuotidian e tes problematichis di cheste etât.