Joibe “Pink Passion” a palaç Giacomelli

Palaç Giacomelli, sede dal museu etnografic, joibe ai 24 di Otubar a sîs sot sere (18.00) al scree il prin di une schirie di incuintris dedicâts al rapuart tra publicitât e feminis. La iniziative, batiade “Pink Passion”, e à chê di contâ trucs e manipolazions de publicitât e, massime, di ufrî une voglade sul mont feminin tant che strument e vitime dal marketing. Une ocasion duncje par capî, ancje in gracie dal contribût dal publicitari Mauro Corda, ce che al sucêt intal nestri cjâf cuant che o cjalìn une publicitât. La jentrade e je libare fintremai ae fin dai puescj disponibii.