Al torne il Luna Park di Sante Catarine

Ancje chest an il luna park si fasarà tal parc Sud dal Stadi Friûl dai 26 di Otubar ai 24 di Novembar, in ocasion de fieste di Sante Catarine. La viertidure e podarà lâ di dôs dopomisdì a miezegnot intai dîs di vore, cun viertidure obligatorie di cuatri fin dîs di sere, di dôs dopomisdì a une di gnot il vinars e la sabide e, infin, di nûf di matine a une di gnot la domenie e i dîs di fieste. Dentri dal luna park a saran 14 i operadôrs che a daran fûr di mangjâ e di bevi.