Delegazion ceche a Udin par studiâ lis mensis scolastichis

Il servizi di ristorazion scolastiche comunâl al è di esempli ancje par altris realtâts europeanis. Cussì, par studiâlu plui di dongje, martars ai 29 di Otubar e rivarà a Udin une delegazion dal Comun di Brno. Intant de sô visite inte capitâl furlane, la delegazion ceche e varà un incuintri cu la assessore Raffaella Basana e cui responsabii dai uficis comunâi che a stan daûr al progjet “Citâts Sanis” e ae ristorazion scolastiche. E je in program ancje une visite alì dal stabiliment citadin de Camst.