Contribûts comunâi par judâ lis fameis a paiâ la Tares

Il Comun al à decidût di confermâ ancje chest an i contribûts par judâ lis fameis che si cjatin in cundizions di disasi economic a paiâ lis spesis pes scovacis. La Zonte e à di fat decidût di meti a disposizion par chest intervent une cifre di 150 mil euros che a laran a slizerî il paiament de Tares. Intes prossimis setemanis la Aministrazion comunâl e metarà fûr un avîs public cu lis indicazions su la concession dal contribût e su la modalitât par presentâ lis domandis.