Il Comun al vûl incressi la sô presince dentri di UdineIdea

L’assessôr comunâl pes ativitâts produtivis e pal turisim, Alessandro Venanzi, al à scrit ae direzion di UdineIdea par che intal diretîf de associazion si vedi une presince direte de Aministrazion comunâl cun funzions di garanzie e di indreçament intes sieltis strategjichis. UdineIdea e je la associazion metude sù di un grup di operadôrs dal cumierç che a lavorin intal centri storic cun chê di meti adun lis lôr energjiis par rilançâ il cûr de citât e par promovi il centri comerciâl naturâl. La fiducie che il Comun al à par chest progjet e je palese – al scrîf Venanzi – ma cumò e je sante scugne slargjâ il numar dai iscrits par podê rapresentâ in maniere ancjemò plui fuarte lis ativitâts comerciâls e par deventâ il referent principâl pe Aministrazion comunâl. Par chest – al zonte l’Assessôr – al à di prevalê il principi di inclusivitât, che cumò no si viôt masse cemût che tancj di lôr a àn segnalât intant dai incuintris vûts cui operadôrs dal cumierç ator pe citât; UdineIdea e à invezit di jessi une realtât che e rapresente ducj e la presince dal Comun intal diretîf e vûl propit lâ ta chê direzion.