A tornin a partî i apontaments cun “Parliamo di…”

Cul mês di Novembar a tornin a partî i apontaments cun “Parliamo di…”, la rassegne di incuintris informatîfs inmaneâts des Circoscrizions citadinis. Si tache domenie ai 3 di Novembar, a cinc e mieze dopomisdì (17.30), alì de sale culturâl “F. Sguerzi” de Seste Circoscrizion cu la conference su “Pigrizia e svogliatezza, che fatica tirarsene fuori!” e i intervents di Franco D’Odorico, Hadi Habchi, Annalisa Anastasi e Olivia Silvestri. Si larà po indenant joibe ai 7 di Novembar a sîs e mieze sot sere (18.30) te sale polifunzionâl de Cuinte Circoscrizion, a Cussignà, cuntune conference di Matteo Mastrangelo su lis alergjiis. Intal stes lûc, ma sabide ai 30 di Novembar a 4 dopomisdì (16.00), al è in program un incuintri informatîf su “Salute, benessere e libertà di scelta terapeutica” cul intervent di Paolo Verzella. A sierâ il cicli al sarà l’incuintri su “Convivere con un ammalato psichiatrico, minidecalogo per non soccombere” alì de sale culturâl “F. Sguerzi” de Seste Circoscrizion. L’apontament si davuelzarà il prin di Dicembar a cinc e mieze dopomisdì (17.30) cun relatôrs Franco D’Odorico, Annalisa Anastasi e Elisa Mattiussi.