Il Friûl di Luigi Martinis in mostre sù in cjistiel

Si screarà joibe ai 7 di Novembar, a sîs sot sere (18.00), alì de Cjase de Fradaie in cjistiel, la mostre “Il Friuli di Luigi Martinis”. La esposizion e je a jentrade libare e e restarà vierte al public fin ai 8 di Dicembar, dal vinars a domenie di dôs a cinc tal dopomisdì (14.00 – 17.00). La mostre e je stade curade di Silvia Bianco e Vania Gransinigh e e propon uns vincj oparis che a documentin il percors artistic dal pitôr furlan.