Art Card: forme gnove di dialic tra art, citadins e impresis

Miercus ai 12 di Dicembar a 11 di matine a Cjase Cavazzini, intal Museu di Art Moderne e Contemporanie di Udin, e sarà presentade Art Card, iniziative inmaneade dai museus civics intune cul Comun. Ae conference stampe di presentazion a intervegnin il sindic Furio Honsell, l’assessôr pe culture Luigi Reitani e il diretôr dai museus civics Marco Biscione. Art Card e nas par sensibilizâ e miorâ la pussibilitât di gjoldi de ufierte culturâl e museâl de citât e si indrece ai citadins, ma ancje aes categoriis economichis.