Alì de Cuarte Circoscrizion si scree “Il segno del disegno”

“Il segno del disegno” al è il titul de gnove mostre coletive de Cuarte Circoscrizion che e sarà screade vinars ai 8 di Novembar a siet sot sere (19.00) intai locâi espositîfs de Circoscrizion, in vie Pradamano 21. Pe prime volte i artiscj de associazion culturâl Quadrante Arte a presentaran une esposizion dute dedicade a operis che a descrivin musis e paisaçs dome cul ûs dal segn e des sfumaduris. A compagnâ la scree a saran lis leturis poetichis di Bepi Agostinis. La mostre e restarà vierte fin ai 31 di Dicembar dal lunis al vinars di nûf mancul un cuart di matine a misdì e un cuart (8.45-12.15) e i lunis, i martars e lis joibis di trê a sîs dopomisdì (15.00-18.00). La jentrade e je libare.