Cjarte al centri dal incuintri di vinars a Cjase Cavazzini

Cjase Cavazzini e va indenant cu la sô ativitât di promozion des novitâts editoriâls e il prossim apontament al è in program vinars ai 8 di Novembar a 5 e mieze dopomisdì (17.30) cul volum “La carta. Storia, materiali, tecniche” di Peter F. Tschudin, un dai esperts plui impuartants a nivel mondiâl su la storie de cjarte. Intant de presentazion si varan i intervents de curadore de edizion taliane dal libri, Federica Peccol, e il responsabil dal Centri di catalogazion e di restaur dai bens culturâi dal Friûl – Vignesie Julie, Alessandro Giacomello.