Novembar inmò plui siôr cun Ludobus e Ludoteche

A van indenant i apontaments cui divertiments dal Ludobus e de Ludoteche comunâl. In particolâr intes sabidis di Novembar e di Dicembar i locâi di vie del Sale e tornarà a proponi une gnove session di viertiduris serâls straordenariis: a tacâ di sabide ai 9 di Novembar duncje di vot e mieze a undis e mieze di sere (20.30-23.30) la Ludoteche e metarà a disposizion passe 400 zûcs par ducj i guscj e par dutis lis etâts. I zûcs dal Ludobus a laran invezit a animâ i dopomisdîs dal centri storic: sabide ai 9 di Novembar in place dai Grans (XX Settembre), sabide ai 16 in place S. Jacum (Matteotti), sabide ai 23 in vie Lionello, sabide ai 30 di gnûf in place dai Grans. I animadôrs dal Ludobus a saran po ancje dutis lis domeniis di Novembar in place S. Jacum di dîs e mieze di buinore a misdì e mieç (10.30-12.30). Par dut il mês, il Ludobus al sarà ancje intes areis verdis de Tierce Circoscrizion di trê a cinc tal dopomisdì (15.00-17.00): miercus ai 13 di Novembar inte aree verde Marcello D’Olivo di viâl Afro, ai 20 inte aree verde di vie Valente e ai 27 di gnûf intal parcut Marcello D’Olivo.