Conciert par sierâ la mostre su Afro Basaldella

Dopo vê sprolungjât la sô viertidure, la mostre “Afro Basaldella e Carlo Sbisà, l’elegia del quotidiano” e siere cuntun conciert aperitîf batiât “Note d’arte”. Domenie ai 17 di Novembar, a undis e mieze di matine, a Cjase Cavazzini si varà cussì la ocasion di scoltâ lis musichis proponudis de flautiste Teodora Tommasi e dal pianist Carlo Tommasi, compagnâts de vôs di Agostino Tommasi. Cun di plui, i ultins visitadôrs a varan la pussibilitât di gjoldi ancje di une visite vuidade de conservadore dal museu di art moderne e contemporanie, Vania Gransinigh. La partecipazion al conciert e je sore nuie, ma al covente prenotâsi telefonant al numar 0432 414772.