Al torne il laboratori musicâl “Playmusic”

A son viertis lis iscrizions par Playmusic, laboratori musicâl in forme di zûc par svicinâ i fruts a scoltà e produsi sunôrs in maniere stimolante. Daspò dal sucès de edizion estive si tornarà duncje a zuiâ cu la musiche in graciis aes metodologjiis Willems e Orff, par vot miercus seguitîfs a tacâ dai 7 di Otubar fin ai 25 di Novembar, alì de sale polifunzionâl di Vie Joppi 72 a San Rocco (des cuatri e mieze pai fruts di 3…

A tornin i apontaments di “I colori della natura”

A tornin i apontaments di “I colori della natura”, la serie di incuintris inmaneâts de associazion “Micologia e botanica udinese” e dal assessorât al Decentrament dal Comun. Il prin apontament al è in program doman, miercus ai 30 di Setembar a 20.30 inte sale polifunzionâl di vie Veneto 164 a Cussignà, cu la conference “Funghi, potremo ancora mangiarli?”. Domenie ai 4 di Otubar , simpri inte sale polifunzionâl, e sarà vierte la mostre “I colori della natura: fiori e frutti”.

Al vie lunis “Incontriamoci in biblioteca”

Al vie lunis ai 28 di Setembar a “Incontriamoci in biblioteca”, une serie di apontaments par valorizà il patrimoni documentari e dai servizis des bibliotechis comunâls. Il prin apontament al è in program lunis a 18 inte sale Corgnali de biblioteche civiche “Joppi” cu la presentazion dal documentari “68 e dintorni: ricordi ed immagini dei mitici anni ’70 a Roma”, realizât di Benedetto Parisi.

Al vie sabide aes ativitâts de Cjase des feminis

Al vie sabide ai 26 di Setembar, a 17.30, aes ativitâts inmaneadis de Cjase des feminis. Il program dai events dai mês di Setembar e di Otubar al tache sabide cu la “Fieste de Sierade” e la presentazion dal sît gnûf www.casadelledonne.it. Lis ativitâts a laran indenant miercus ai 30 di Setembar, a 18 cu la proiezion dal film “E se vivessimo tutti insieme?” e dal libri “Il fattore X”. Joibe prin di Otubar di 18.30 a 20.30 al è…

Cinc mostris pal Autun udinês

A son cinc lis mostris inmaneadis in maniere direte o in colaborazion cui Museus Civics dal Comun di Udin par chest Autun. Si trate di iniziativis – al spieghe l’assessôr pe culture, Federico Pirone – che a pontin a slargjâ la cognossince dal patrimoni de citât e des personalitâts che cul lôr inzegn a àn fat cognossi il Friûl e la sô capitâl ator pal mont. La prime mostre si inviarà ai 30 di Setembar alì des Galariis dal Progjet…

Vinars scree pal murales dal condomini “Valle”

Primis screis par “Visioni Urbane”, il progjet pensât par slargjâ la creativitât e par puartâ la art intai spazis publics dal centri e dai cuartîrs udinês. Vinars ai 18 di Setembar, a sîs e mieze sot sere (18.30) alì dal condomini “Valle” in vie Riccardo Di Giusto 86, si varà la presentazion uficiâl di “In Da Hood”, il murales nassût de colaborazion tra istituzions locâls, artiscj e lis associazions “Bravi Ragazzi” e “Macross”. Dopo de scree il public al è…

Al vie la setemane de mobilitât sostignibile

Ancje chest an il Comun al partecipe ae setemane europeane de mobilitât sostignibile puartade indenant de Union europeane dai 16 ai 22 di Setembar. La iniziative e je tacade vuê di matine cu la cuinte edizion dal “Giretto d’ Italia” promovût di Legambiente e VeloLove in colaborazion cun Euromobility. Vuê tra siet e mieze e nûf e mieze di matine (7.30 e 9.30) al è stât controlât il numar des personis jentradis in citât in biciclete di vie Mantica e…

Partecipazion ae setemane europeane de mobilitât

Ancje chest an Udin al partecipe ae setemane europeane de mobilitât, in program dai 16 ai 22 di Setembar, cun chê di sburtâ ancje i citadins udinês a resonâ su lis opzions di traspuart disponibilis inte aree urbane e a sielzi chês che a permetin di sparagnâ bêçs e timp. Pe ocasion la aministrazion comunâl e à metût adun un program siôr di events. Si partìs joibe ai 17 di Setembar cul “Giretto d’Italia”, promovût di Legambiente e di VeloLove…

Martars il belanç de edizion 2015 di Friuli Doc

Par Friuli Doc, prime di tacâ a metisi in vore pe edizion dal 2016, al è il moment dai belançs. Doman, martars ai 15 di Setembar a trê dopodimisdì (15.00) in sale Ajace, il sindic, Furio Honsell, e l’assessôr pes ativitâts produtivis e turistichis, Alessandro Venanzi, a presentaran intant di une conference stampe i risultâts de edizion 2015 de manifestazion.

Vuê la consegne dal “Premi ecelence Friuli Doc 2015″

A son Josko Gravner, un dai plui grancj produtôrs talians di vin, il pitôr Giorgio Celiberti e la aziende Illy Caffè i vincidôrs de seconde edizion dal “Premi ecelence Friuli Doc 2015″. Il premi al ven consegnât usgnot, sabide ai 12 di Setembar, a 19.50 in place Matteotti dal sindic, Furio Honsell e dal assessôr comunâl, Alessandro Venanzi.