Miercus “Misure il to respîr”, ma al saltarà in Novembar

Miercus ai 21 di Otubar e torne la campagne “Misure il to respîr” metude adun de Associazion Insuficients Respiratoris dal Friûl – Vignesie Julie cul ufici “Citâts Sanis” dal Comun cun chê di promovi la culture de prevenzion cul sensibilizâ la popolazion al rispiet de sô salût. Ta chê zornade, tra nûf di matine e misdì (9.00 – 12.00), il distret sanitari di Udin al ufrìs la pussibilitât di fâ des provis su lis funzionalitâts de respirazion. Lis visitis, fatis…

Scree de mostre ceramiche Raku

A torne ancje chest an a palaç Giacomelli la mostre ceramiche Raku. Doman, sabide ai 17 di Otubar a 11 al Museu Etnografic dal Friûl e sarà screade la mostre “Oltre il bianco/nero: il colore”. La esposizion, inmaneade de associazion “C’eraku”, e restarà vierte fin ai 22 di Novembar. Al è pussibil viodi la mostre dal martars ae domenie di dîs e mieze di matine (10.30) a cinc dopodimisdì (17.00).

Al vie ai 22 di Otubar al cors di culture e di lenghe slovene

A son viertis lis iscrizions pal cors di culture e di lenghe slovene inmaneât dal assessorât pal decentrament e in program dai 22 di Otubar ai 17 di Dicembar. Cognossi la lenghe, la culture, la storie, lis tradizions slovenis, l’ambient e la vite di ogni dì, ma ancje i ponts di contat cu lis lidrîs storichis furlanis. Al è chest l’intindiment dal percors interculturâl inmaneât dal Comun. Nûf i incuintris in program ogni joibe di vot a dîs di sere…

Cantîr di recitazion e di videomaking cu lis Officine Giovani

Un percors par divertîsi e par zuiâ cu la recitazion e cul videomaking. Al è l’intindiment di “#BeActor”, la iniziative che si invie miercus ai 14 di Otubar a sîs sot sere (18.00) alì des Officine Giovani. Il cantîr creatîf, dividût intune prime part indreçade su la recitazion e intune seconde centrade plui sui videos, al sarà svilupât adun cul grup Felici ma Furlans. La ativitât e larà indenant ducj i miercus fintremai la fin di Novembar. Par vê informazions…

Cun miercus la Ore des Storiis e fevele ancje par inglês

Svicinâsi al inglês bielzà di piçui e cuntun tai divertent. Al è ce che si propon “Quante lingue!”, il gnûf modul de Ore des Storiis, l’apontament setemanâl di narazion par fruts inmaneât de biblioteche civiche “Joppi”. Si partìs miercus ai 14 di Otubar a cinc dopodimisdì (17.00) cuntun incuintri dedicât ae conte umoristiche “Pigeon needs a bath!” di Mo Willems. I incuintris, par talian e par inglês, a son indreçâts a fruts tra i 4 e i 8 agns e…

Sabide ai 10 di Otubar jentrade libare a Cjase Cavazzini

In ocasion de Zornade dal contemporani, sabide ai 10 di Otubar si podarà scuvierzi i tesaurs artistics che si cjatin a Cjase Cavazzini sore nuie. Cun di fat, di dîs e mieze di matine a cinc dopodimisdì (10.30 – 17.00), si puedin viodi lis oparis che a cjatin acet intal museu e la mostre personâl di Carlo Vidoni “Tracce di esistenza” cence bisugne di paiâ il biliet.

Dedicade a Provino e Gino Valle la Zornade dal cjaminâ

E sarà dedicade ai architets Provino e Gino Valle e ae lôr ereditât architetoniche la cuarte edizion de Zornade dal cjaminâ in program domenie ai 11 di Otubar. L’apontament, che si invie a nûf e mieze di buinore (9.30), al à tant che sît di partence e di rivade il parc Moretti. Ancje chest an, di fat, la Aministrazion comunâl e à decidût di aderî ae iniziative che e met adun sport e moviment cun parcs, storie e art. Il…

Cui 10 di Otubar e torne la rassegne “Teatro Junior”

“Teatro Junior”, la rassegne di spetacui par fruts e fantats, e torne cun trê apontaments gnûfs dedicât al mont dai pipinots. Si partìs sabide ai 10 di Otubar inte sale polifunzionâl di Cussignà (vie Veneto 164) cul classic “La storia di Pinocchio”, riviodût di Alberto De Bastiani, che al fâs ancje di diretôr artistic de manifestazion. Il secont apontament, simpri te sale polifunzionâl di Cussignà, al è in program sabide ai 24 di Otubar. Protagoniste e sarà “La misteriosa storia…

Interazion artistiche sabide e domenie cui BridA

Inte suaze dal progjet “Storie in corso”, vinars ai 9 e sabide ai 10 di Otubar diviers lûcs di Udin a deventaran un laboratori là che ducj chei che a vuelin a podaran contribuî a di une azion coletive di piture. La iniziative, curade de associazion culturâl Etrarte, e permetarà di svilupâ imagjins astratis sul teme de prime vuere mondiâl che a divegnaran des interazions tra i artiscj e lis personis che a decidaran di partecipâ. A coordenâ cheste azion…

Contis di viaç: cuatri apontaments al Menossi

Cuatri seradis par contâ il mont dal viaç, de nature e de scuvierte de culture traviers diapositivis e reportage mai viodûts prime. Al torne ancje chest an “ItineRARI, serate a immagini dedicate ai viaggi“, cicli di incuintris puartâts indevant dal assessorât al Decentrament dal Comun di Udin e ospitât intal auditorium “Menossi”, in vie San Pietro 60, inizi par lis 9 di sere. Al prin incuintri, vinars ai 9 di Otubar, si fevelarà di Far West, mît dal cine di…