Mieçs gnûfs pe Polizie locâl, vinars la presentazion

Il comant de Polizie locâl dal Comun di Udin si è indotât di trê veicui gnûfs che a àn i sistemis tecnologjics plui modernis par esaminâ i sîts dai incidents e pai controi su lis stradis. I mieçs a saran presentâts doman, vinars ai 12 di Jugn, a undis di matine in place Libertà cu la partecipaziondal sindic Furio Honsell, dal comandant de Polizie locâl Sergio Bedessi, e dal assessôr pe inovazion Gabriele Giacomini.

Al vie il Progjet sperimentâl “Ambito Estate 2015″

Al vie dai 29 di Jugn ai 31 di Lui e dai 31 di Avost ai 11 di Setembar al progjet “Ambito Estate 2015″. Si trate di un servizi sperimentâl realizât dal Ambit soci assistenziâl 4.5 dal Udinês in colaborazion cu la aministrazion comunâl e cui istitûts comprensîfs 3,4 e 6 de citât viert ai fruts dai 6 ai 11 agns, che al à l’ obietîf di sotignî lis fameis, favorî lis relazions educativis e sociâls e judà i fruts…

Preiscrizions in rêt ai servizis scolastics

Chest an, pe prime volte, i citadins dal Comun a puedin pre iscrivi in rêt i fîs ai servizis ufierts de aministrazion comunâl intes scuelis. Lis preiscrizions a son viertis di îr, miercus ai 10 di Jugn e a restaran viertis fin ai 7 di Avost. Al è pussibil preiscrivi i fruts ai servizis di ristorazion scolastiche intes scuelis de infanzie, primariis e secondariis di prin grât, al doposcuele e al pre e post acet intes scuelis primariis. Pai citadins…

Partît il plan di azion cuintri dal moscjit tigre

Al è tacât cheste setemane a Udin il plan di intervents cuintri dal moscjit tigre. Si previodin trataments su plui o mancul 20 mil pocets des fognis che a saran ripetûts ogni trê setemanis fintremai il mês di Otubar. Trataments di pueste a interessaran ancje i simitieris. Par chestis azions il Comun al à metût a disposizion in dut uns 40 mil euros. Te lote cuintri dai moscjits però ancje i citadins a son clamâts a contribuî cun trataments specifics…

Visitis vuidadis al Museu Etnografic

Visitis vuidadis al Museu Etnografic dal Friûl martars 9 e miercus 10di Jugn. Martars a 17.30 e je in program la visite “sul filo della tradizione”, un percors par visità la sezion dedicade ae art tessile. Miercus a 16.30 al è invezit in program il laboratori “La bellezza del cucire” dedicât al tiessût artesanâl. Par partecipâ aes visitis si à di notâsi mandant une mail ae direzion di pueste didatticamusei@comune.udine.it

Ufici Anagrafe la joibe dopo misdì su apontament

Dai 12 di Jugn si podarà prenotâ l’apontament par acedi al ufici Anagrafe comunâl, di vie Beato Odorico da Pordenone, la joibe, a tacâ dai 18 di Jugn, di 17 a 19. I apontaments a podaran jessi prenotâts sul sît dal Comun www.comune.udine.it, dulà che al sarà a disposizion un calendari par fissâ l’apontament. Si trate di un servizi che al sarà inviât in maniere sperimentâl par valutâ la rispueste dai citadins. Problemis evenutâi a podaran jessi segnalâts cuntune mail…

A son daûr a rivâ i boletins za compilâts pe Tasi

A tacâ di cheste setemane fintremai ae fin dal mês il Comun al mandarà tes cjasis di ducj i contribuents i boletins di viersament dal acont pe Tasi, in scjadince ai 16 di Jugn. I citadins si ricjataran il model F24 semplificât za compilât pal paiament adun cu la sintesi de impueste calcolade ae fonde dai dâts rilevâts dai archivis comunâi. Prime di fâ il viersament i citadins a son invidâts a verificâ la completece e coretece dai dâts e…

Gnot Blancje, plui spazis pai comerciants

Pe novesime edizion de Gnot Blancje, in program sabide ai 4 di Lui, il Comun di Udin al ponte a inviâ un gnûf model di organizazion dal event che si poi suntune colaborazion plui strente e suntune partecipazion plui ative de bande dai esercizis comerciâi che, pe prime volte, a podaran lâ fûr des buteghis par proponi lis lôr ativitâts doprant spazis metûts a disposizion sore nuie de Aministrazion comunâl. I comerciants a àn timp fintremai i 12 di Jugn…

Al vie i lavôrs al cjamp di balon di vie delle Fornaci

A son tacâts i lavôrs di ricualificazion dal cjamp di balon di vie delle Fornaci, gjestît de Asd Donatello. Lis oparis a saran fatis de dite Slurry Italia di Martignà, cuntune spese di 750 mil euros. Il program dai lavôrs al previôt di butâ jù e tornâ a tirà sù lis tribunis e i camarins. I spazis a disposizion a saran slargjâts e a passaran di 155 a 240 metris cuadris. A saran ancje tornâts a fat sù i gabinets…

E torne la campagne “Misura il tuo respiro”

E torne ancje il mês di Mai la campagne “Misura il tuo respiro” realizade de Associazion Insufficienti Respiratori Fvg onlus in colaborazion cul ufici “Città sane” dal Comun. Miercus 20 di Mai, come ogni tierç miercus dal mês, di 9 a 12, al sarà pussibil provâ lis funzionalitâts respiratoris al Distret sanitari, in vie San Valentino 20. Lis personis interessadis a son invidadis a presentâsi al ufici informazions dal distret miercus tra lis 8 e 8.30 par notâsi e par…