Presentâts vuê i mieçs gnûfs de Polizie locâl

A son stâts presentâts vuê di matine in place Libertà i mieçs gnûfs a disposizion dal comant de Polizie locâl dal Comun di Udin. Si trate di trê Ford Focus Wagon 2.0 veicui gnûfs che a àn i sistemis tecnologjics plui modernis par esaminâ i sîts dai incidents e pai controi su lis stradis. Tra lis pussibilitâts ufiertis dai mieçs gnûfs si à telecjamaris in stât di controlâ in maniere automatiche lis targhis e segnalâ i veicui che no son…

Preiscrizions in rêt ai servizis scolastics

Chest an, pe prime volte, i citadins dal Comun a puedin pre iscrivi in rêt i fîs ai servizis ufierts de aministrazion comunâl intes scuelis. Lis preiscrizions a son viertis di îr, miercus ai 10 di Jugn e a restaran viertis fin ai 7 di Avost. Al è pussibil preiscrivi i fruts ai servizis di ristorazion scolastiche intes scuelis de infanzie, primariis e secondariis di prin grât, al doposcuele e al pre e post acet intes scuelis primariis. Pai citadins…

Partît il plan di azion cuintri dal moscjit tigre

Al è tacât cheste setemane a Udin il plan di intervents cuintri dal moscjit tigre. Si previodin trataments su plui o mancul 20 mil pocets des fognis che a saran ripetûts ogni trê setemanis fintremai il mês di Otubar. Trataments di pueste a interessaran ancje i simitieris. Par chestis azions il Comun al à metût a disposizion in dut uns 40 mil euros. Te lote cuintri dai moscjits però ancje i citadins a son clamâts a contribuî cun trataments specifics…

Si slargje la rêt dal teleriscjaldament

Si slargje in citât la rêt dal teleriscjaldament. L’assessôr comunâl pal ambient e pe mobilitât, Enrico Pizza, al à visât che in curt si inviaran i lavôrs par meti jù la rêt ancje in vie Cicogna. Dopo vê finît l’intervent e vê ativât il servizi in vie Tiberio Deciani fin li de scuele Ellero, i residents de laterâl a àn domandât di podê leâ al servizi di teleriscjaldament ancje lis lôr cjasis. I lavôrs su vie Cicogna a tacaran cui…

Ufici Anagrafe la joibe dopo misdì su apontament

Dai 12 di Jugn si podarà prenotâ l’apontament par acedi al ufici Anagrafe comunâl, di vie Beato Odorico da Pordenone, la joibe, a tacâ dai 18 di Jugn, di 17 a 19. I apontaments a podaran jessi prenotâts sul sît dal Comun www.comune.udine.it, dulà che al sarà a disposizion un calendari par fissâ l’apontament. Si trate di un servizi che al sarà inviât in maniere sperimentâl par valutâ la rispueste dai citadins. Problemis evenutâi a podaran jessi segnalâts cuntune mail…

Ativade une “bancje dal timp” alì dal Centri PIG

Un servizi, indreçât a grancj e fantats, par scambiâsi servizis e cognossincis, par meti in contat lis personis e par risolvi lis piçulis dibisugnis di ogni dì. Al è l’intindiment de gnove iniziative de Agenzia Giovani dal Comun di Udin che si invie cul mês di Jugn. Une sorte di “bancje dal timp” pensade par dâsi une man intal viodi dal zardin, tal doprâ il computer, tal fâ comissions cuotidianis o par recupar scolastic. Il servizi al è atîf alì…

Inchieste par miorâ il servizi di racuelte pai comerciants

I gjestôrs des ativitâts comerciâls logadis intal centri storic di Udin a àn la pussibilitât, fin ai 10 di Jugn, di partecipâ ae inchieste curade de Net in colaborazion cul Comuna e di fâ indenant lis lôr propuestis par miorâ il servizi di racuelte des scovacis. Il cuistionari si lu cjate sei sul sît Internet dal Comun, ae direzion www.comune.udine.it , sei su chel de Net, ae direzion www.netaziendapulita.it . L’intindiment al è chel di rivâ a di un servizi…

Sucès di public pe App “UdineVicina”

Passe un miâr di instalazions, cuntune medie di 92 discjariaments cuotidians di Google play e buinis recensions de bande dai utents. No son nancje dôs setemanis che e je partide ma la aplicazion “UdineVicina” e je partide pardabon cul pît just e – cemût che al ricuarde l’assessôr comunâl pe inovazion, Gabriele Giacomini – e il so sucès al varès di slargjâsi ancjemò dal moment che ca di cualchi zornade e sarà disponibile ancje su App Store te version par…

Indenant cu lis ativitâts alì de Cjase des feminis

A van indenant lis ativitâts e lis iniziativis inmaneadis de Cjase des feminis. Al tache cheste setemane il cors “Ascoltandosi narrare. La comunicazione consapevole”. Il prin apontament al è in program doman, miecrus ai 27 di Mai A 18, inte sede di vie Pradamano 21. Il cors al previôt une serie di 5 incuintris, ducj sore nuie, simpri il miercus di 18 a 20, fin a 24 di Jugn. Par notâsi si à di mandâ une email ae direzion casadelledonne@comune.udine.it

A son daûr a rivâ i boletins za compilâts pe Tasi

A tacâ di cheste setemane fintremai ae fin dal mês il Comun al mandarà tes cjasis di ducj i contribuents i boletins di viersament dal acont pe Tasi, in scjadince ai 16 di Jugn. I citadins si ricjataran il model F24 semplificât za compilât pal paiament adun cu la sintesi de impueste calcolade ae fonde dai dâts rilevâts dai archivis comunâi. Prime di fâ il viersament i citadins a son invidâts a verificâ la completece e coretece dai dâts e…